Sekretari i Përgjithshëm i NATO-së, Jens Stoltenberg gjatë vizitës në Kosovë dhe mesazhe të qarta për Kosovën dhe Serbinë. Ai tha se NATO mbështet dialogun mes dy shteteve, ndërsa i kujtoi Prishtinës se nuk mund të dërgojë ushtrinë në veri e vendit, pa u konsultuar më parë me misionin e KFOR.
Sipas Stoltenberg, Kosova dhe Serbia duhet të vijojnë dialogun e ndërmjetësuar nga Bashkimi Evropian, ndërsa e vuri theksin edhe tek krijimi i asociacionit të komunave me shumicë serbe, hap ky, që sipas Stoltenberg do të kontribuonte në avancimi e normalizimit të marrëdhënieve mes dy vendeve.
“Trupat e KFOR u sulmuan, duke bërë që dhjetëra ushtarë të plagoseshin, disa lehtë, disa rendë. Sulme të tilla dhune janë të papranueshme. NATO u përgjigj me shpejtësia dhe dislokuam 1000 trupa shtesë në Kosovë dhe kemi shtuar patrullimet në veri. Këto janë hapa, që KFOR vazhdon të përmbush mandatin e tij të OKB. Stabiliteti ne rajon mbështetet shumë nga prevalimi I demokracisë mbi dhunën. Dërgimi i FSK në veri, kërkon konsultime paraprake me KFOR. NATO mbështet dialogun e lehtësuar nga BE”, tha ai.
Gjatë konferencës për mediat, Presidentja e Kosovës, Vjosa Osmani, u shpreh se vendi i saj ka dëshmuar se është një partner i besueshëm i NATO-s.
“Kosova dhe NATO janë në të njëjtën anë, terroristët janë në anë tjetër. Kosova e ka dëshmuar veten si një partner i besueshëm i NATO, që nga strehimi i afganëve deri vendosja e sanksioneve ndaj Rusisë”, tha Osmani.
